Friday, December 9

jaane kyu?


[hindi shayari, shayari in hindi, hindi shayri, love shayari, shayari in english, shayari, romantic shayari, love shayari, friendship shayari, shayari hindi]


jaane kyu aaj fir se jhoom kar gaane ko dil karta hai...
apne pyare dost ko apna banane ko dil karta hai
wo jo bhi hai bohot khaas hai ab mere liye..
kyu aaj usske pyar me kho jaane ko dil karta hai...
pyar ka mausam mere jeewan me fir kabhi rang bikherega
maine kabhi socha naa tha,
par aaj unhe pyaar se apna banane ko dil karta hai...

hum the mile jeewan ke ek ajeeb doraahe pe,
hame ek dooje ka naam tak malum naa tha,
fir bhi apni mulakaat me kuch baat thi
jo hum anjaan se yoon dost ban gaye,

hum the mile jeewan ke ek ajeeb mod pe,
purane guzre lamho ne hume bohot sataya tha..
shayad dil ki chot ek si thi humari,
tabhi ye dil usske dil ko itni gehrai se samajh paaya tha
wo the bohot udaas... par the bohot khaas
unse baatein ki maine jee bhar ke,
tabhi toh main unhe itna kareeb se jaan paaya tha...

kitna pyaara dil hai uss pagal ka,
fir kyu rehta hai wo udaas
iss mushkil ko main samajh paata nahi,
unko toh jaanne ki koshish karta rehta hu,
par kabhi khud ko main jaan paaya nahi.
jo bhi ho, ye manzar ab ek khwab sa lagta hai,
wo pyaara sa chehra ab meri inn aankhon me basta hai,
unki hassi ke ham toh bass deewane hain,
unki ek ek muskurahat ko ye dil tarasta hai,
wo kehte hain hame apna sabse pyara dost,
par unki kasam, hame to unse pyar jatane ko dil karta hai...

wo darte hain ki hum ek din judaa ho jayenge..
kabhi naa kabhi hum unko bhool jaayenge,
hum kehte hain "u please trust me",
marte bhi honge agar, tumko hi yaad karenge aur yaad aayenge..
apni iss pyari dosti ka kuch naam toh nahi hai..
par isski ek shakl hai jo har mulaakat me ubharti hai,
ek chubhan si hai humare dil ke ander, jo har jazbaat me ubharti hai,
darte toh hum bhi hain unse judaa hone ke khyal se,
ye hum jaante hain ki sochte hain jub iss baare me..
..jaane kya kya iss dil pe guzarti hai...

jaane do yaar, inn adhure se khyaalo ko...
aajao ji lein iss guzarte hue pal ke saath,
aao hanss lein.. gaa lein.. sang ek duje ke
aur dosti kar lein apne aane waale kal ke saath,
jaane kya ho kal, ham kahaa kho jaayen,
rone se kuch haasil nahi hota dear,
aao ek duje ki baahon me so jaayein...
samajhne ki koshish agar karti ho toh kar lo...
ye dosti nahi, pyar ke adhure ehsaas, adhure pal hain..
kyu dhadkan hai mujhse aakhir juda jab tum nahi mere saath,
kyu adhoori hain meri ye saansein, kyu bekal hain??

P.S. kuch sawalo ka jawab sawal kyu hota hai

..Jiyo Dil Se.. by "somebody"


[hindi shayari, shayari in hindi, hindi shayri, love shayari, shayari in english, shayari, romantic shayari, love shayari, friendship shayari, shayari hindi]

11 comments:

  1. Heart Touching! :))

    ReplyDelete