Friday, December 2

Kya kehte hain isse...kya Jeewan?

[hindi shayari, shayari in hindi, hindi shayri, love shayari, shayari in english, shayari, romantic shayari, love shayari, friendship shayari, shayari hindi]

woh adhura samaa,
woh adhkhili kaliyaa...
woh geeton ka shorr,
aur baarish ki thirakti boondon ke sang ...
... naachta morr,

woh mausam ka chhehekna,
woh dhoop ka nikalna,
woh sargam ke suron par...
... mann ka machalna,
aur woh aankhon ke paani ka ...
... apno ki khushiyo par nikalna,

woh yaadon ke mausam mein,
kahi kho jaana,
woh raat bhar jaagna,
aur dinn ko so jaana,

woh ruthna ... woh manaana,
woh hassna ... aur hassana
aur woh chhoti chhoti baaton ko ...
... ek doosre ko bataana,
woh pyar se sabko gale lagaana,
woh pyar mein aankhon ko aankho se milaana,
woh adhuri baaton ko dil mein dabaana ...
... aur dil ki baaton ko hothon pe laana,

woh pyar bhare mausam ki pehli dastak ...
woh dil ke jazbaaton ko ...
... dil khol ke bataana,
woh dil ka dhadakna,
woh hothon ka silna,
aur waqt - bewaqt ek halki si hansi ...
... apne hothon pe sajaana,
aur chah kar bhi kuch bol naa pana,

woh jeewan ki umange, woh paani ki boonde
woh aankhon ke paani ko ...
... baarish ki boondo me chipana,

woh meetha sa ehsaas, woh chahat ki pyas ...
woh apnapan aur woh jeene ki aas ...
woh pal pal ki khushiyan, woh do pal ke gham
bohot saara pyaar bhi tab padta tha kam,

woh apno ka saath, wo gairon ki baaten ...
... woh pyaar bhare din, woh pyaari raatein
woh anjaani raahen, woh anjaane log ...
... aur unn anjaane logon ka apna ban jaana,

woh lamba safar, woh lambi dagar ...
aur woh jeewan me aaye, banke mere hamsafar ...
meri iss chhoti si dunia me unka aana ...
... aur pal hi pal me apna saa ho jaana
woh unka baar baar sharmana ...
... aur bass mere dil ko chhoo jaana
aur iss tarah jeewan me yoon banke ek nayi bahaar ...
... yoon chupke se aake unka dastak de jaana,

woh dil ki kadwi baaton ko ...
... unki pyaari baaton ke beech bhool sa jaana
woh dil me lage har zakhm ko jaise halke se unnka chhoo jaana
woh unka pyaar karna ...
aur mera uss pyaar pe marr jaana
woh ek pal ko bhi mera unki aankhon se ojhhal hona ...
... aur unka uss pal me darr sa jaana

woh pyaare pal ka yaad aana,
aur yaad aake hame satana ...
... kuch yaad nahi bass ek meethi si kasak baaki hai dil me
aur uss kasak ka dil me gehra asar chhod jaana ...


hota hai shuru jab ye, badhti hi rehti hain yaaden ...
... aur unn yaadon ka pal pal, har pal, yaad aana...
woh deewanapan...
woh bachpan...
woh jawaani...
yaa paagalpan...
akhir kya??
aakhir ... kya kehte hain isse...
...kya Jeewan...??

..Jiyo Dil Se.. by "somebody"


[hindi shayari, shayari in hindi, hindi shayri, love shayari, shayari in english, shayari, romantic shayari, love shayari, friendship shayari, shayari hindi]

3 comments:

  1. Because I have a Gmail account, so I found gmail email login for troubleshooting every problems. If you cannot find your problems any where, this website will help you.

    ReplyDelete